آچ گوزلرون ای غمدن
گول رنگی سولان زهرا
گوز یاشیم اولور سنسیز
رخساره روان زهرا
زبانحال حضرت علی (ع) در شهادت حضرت زهرا (س)
حالوندان عیان اولموش
بیر سرّ نهان واردی
گویا گل طاهاده
آثار خزان واردی
دور گور باشون اوستونده
نه شور و فغان واردی
دردون منِ نالانه
بیر ایله بیان زهرا
خون دلیوی بی جا
گوز یاشیوه قاتمازدون
گوزدن بو دل افکاری
یا فاطمه آتمازدون
بو وقت عبادتدی
سن بو گونی یاتمازدون
بو یاتماقوون سرّین
دور ایله عیان زهرا
بُلَّم یتشور هجران
عزم سفر ایلورسن
بو دیده سی گریانی
خونین جگر ایلورسن
آخر گئدوسن زهرا
مندن حذر ایلورسن
نیلوم داخی من سنسیز
ای روح و روان زهرا
ای خالقه محبوبه
پیغمبره ریحانه
وار حقّیم اگر دونسه
اشگ بصریم قانه
شاد اولمادون عالمده
یاندون غم هجرانه
بار غم محنتدن
ای قدّی کمان زهرا
پیغمبر ائدوب رحلت
سن باشه قرا سالدون
اشگ تریوی توکدون
آرامیمی چون آلدون
اوچ گونلریله ائوده
بی آب و غذا قالدون
ایلر منی بو غملر
بی تاب و توان زهرا
شاعر: علومی تبریزی
ثبت دیدگاه