حدیث روز
امام علی (ع) می فرماید : هر کس از خود بدگویی و انتقاد کند٬ خود را اصلاح کرده و هر کس خودستایی نماید٬ پس به تحقیق خویش را تباه نموده است.

دوشنبه, ۱۰ شهریور , ۱۴۰۴ Monday, 1 September , 2025 ساعت تعداد کل نوشته ها : 3752 تعداد نوشته های امروز : 0 تعداد اعضا : 1 تعداد دیدگاهها : 104×
25 مرداد 1399 - 1:35
شناسه : 30071
بازدید 421
3

یاحسین بوجمعیدن یکسر سلام اولسون سنه بیزدن ای فرزند پیغمبر سلام اولسون سنه ای منای عشقده تپراقلار اوسته جان وئرنجانینی الله یولوندا تشنه لب قربان وئرننازنین باشین تنور خولیه مهمان وئرنای قالان گل پیکری بی سر سلام اولسون سنه ای اسن باد خزان اول گلشن و گلزارینهای یولی باغلی قالان قان آغلیان زوّارینهای بیزی حسرت […]

ارسال توسط :
پ
پ

یاحسین بوجمعیدن یکسر سلام اولسون سنه
بیزدن ای فرزند پیغمبر سلام اولسون سنه

ای منای عشقده تپراقلار اوسته جان وئرن
جانینی الله یولوندا تشنه لب قربان وئرن
نازنین باشین تنور خولیه مهمان وئرن
ای قالان گل پیکری بی سر سلام اولسون سنه

ای اسن باد خزان اول گلشن و گلزارینه
ای یولی باغلی قالان قان آغلیان زوّارینه
ای بیزی حسرت قویان اوز قبرینون دیدارینه
ایلین آماج مین غملر سلام اولسون سنه

ای باشی سر نیزه ده قرآن تلاوت ایلین
کوفه ننون اهلین ره حقّه هدایت ایلین
امتحان بزمینده هر آن اسقامت ایلین
برج اسلامیته اختر سلام اولسون سنه

یاحسین بیز اولموشوق روح روانون عاشقی
یوسف کرب وبلا اکبر جوانون عاشقی
اولدی قان اولموش اورک اول مه لقانون عاشقی
ای شهید نیزه وخنجر سلام اولسون سنه

یاحسین بیزده عزیز مجتبی مشتاقیوق
باشیله جاندان گئچن بیر باوفا مشتاقیوق
طوی حناسی قان اولان نو کدخدا مشتاقیوق
ای عزیز خالق داور سلام اولسون سنه

قلبیمیزده یاحسین تخم محبت اکمیشوق
اصغرون باب والحوائجدور اونا گوز تیکمیشوق
طوطی شیرین زباندان ئو تری چوخ غم چکمیشوق
ای عزیز ساقی کوثر سلام اولسون سنه

بیزلری مهمان ائله میر غضنفر قبرینه
یعنی عباس علی شیر دلاور قبرینه
گر یتیشساق یاحسین فرزند حیدر قبرینه
عرض قیلوق ای مه انور سلام اولسون سنه

گوردون عاشورا گونی طغیان ائدور قوم کَفَر
آز قالوب دین مبینه یتسون اعدادن خطر
تیغ تیز اشقیایه سینوی ائتدون سپر
حامی قرآن، هنر گستر سلام اولسون سنه

سن امیرالمؤمنین باهنر فرزندیسن
دختر خیرالورانین بیر گوزل دلبندیسن
جان و دلدن دین حقّین دائماً پابندیسن
ای صدفدن آیریلان گوهر سلام اولسون سنه

یا حسین سنسن عزیز حضرت خیرالنّسا
وار سنه الله یانوندا بیر مقام کبریا
چاره سیز درد و بلای خلقه ایلرسن دوا
نور چشم فاتح خیبر سلام اولسون سنه

« دلکش » غم دیده ایلر قبر پاکون آرزو
کربلا آدین دمادم دیلده ایلر گفتگو
قسمت ائت شطّین سویوندا شوقیله آلسون وضو
سویلسون ای خسرو خاور سلام اولسون سنه

ثبت دیدگاه

دیدگاهها بسته است.