گینه باشلاندی ماه غصه و غم یابن الزهرا
گینه شیعه دوتار بو آیدا ماتم یابن الزهرا
گینه زهرا سالار باشه قرا کرب و بلاده
دییر ایوای حسینیم وای دمادم یابن الزهرا
گل ای زهرا بلاسی
اولان عالم آقاسی
گینه باشلاندی مولا
حسینون ماجراسی
.
آقا یابن الحسن جان
گینه قوم عدو سو یولارون او چولده باغلار
گینه کرب و بلاده آل طاها سینه داغلار
الی اوسته ربابون آز قالار ئولسون بالاسی
سو جامی الده قیزلارصف چکر مخیمده آغلار
یانار دلدن بالاسی
دییر ایوای آناسی
بالا عطشان دوداقون
رباب اولسون فداسی
آقا یابن الحسن جان
سالار اکبر غمی بیر آیری غوغا یابن الزهرا
گینه ایوای دییر مخیمده لیلا یابن الزهرا
گینه قاندان حنا باشه یاخار قاسم آناسی
گینه زینب یانار بو غمده آقا یابن الزهرا
چکر عرشه نواسین
گینه سسلر آتاسین
سالار باشه اوچولده
بنی هاشم قراسین
آقا یابن الحسن جان
عجبدور اولمادی دنیانون عباسه وفاسی
فرات اوسته دوشر ظلمیله اول ماهون لواسی
گلر زهرا او چولده سسلنر ایوای بالام وای
حسینی یاندیرار باشینده کی آهن یاراسی
دییر وای یولداشیم وای
وفالی سر داشیم وای
گوز آچ گلدیم ابالفضل
یارالی قارداشیم وای
آقا یابن الحس جان
گل ای عالملرین پشت و پناهی یابن الزهرا
گینه اوج ایلوری مظلومون آهی یابن الزهرا
عنایت ایله تئز گل منتظر دور اهل عالم
ندور عالمده بو شیعه گناهی یابن الزهرا
هاچان اولسا زمانون
اله آل ذوالفقارون
سنی زهرا اوزون آل
بو شیعه انتقامون
آقا یابن الحسن جان
ثبت دیدگاه