قلم ایستور یازا اعیاد مه شعبانی

گل‌های ماه شعبان

قلم ایستور یازا اعیاد مه شعبانی
بیر به بیرثبت ایده دفترده اولان جریانی
.
آچیلوب صحنه ده گوللر یتیشوب فصل بهار
بلبلون نغمه سی مسرور ایلیور انسانی
.
نچه مولوده گوره گور نه شرفلندی بوآی
حق ایدوبدی نچه مولودی بیزه ارزانی
.
دیه بیلم که بو آی اون بیرآیا فخرایلیور
بو آیون یمنینه باخ شاد ایلیوب زهرانی
.
غنچه لر باغ رسالتده شکوفا اولدی
گول آچوب باغ نبی اولدی خزان پایانی
.
دیل آچوب مرغ سحرتهنیته شوره گلوب
بلبل آوازه گلوب شاد ایلیوب گلبانی
.
صبح صادق آچیلوب اسدی گلستانه نسیم
نکهت گلشن زهرا بوریوب دنیانی
.
قوی دیوم آدلارینی فخریله من اهل دیله
گتورر شوره بو گون شیعه با ایمانی
.
بیری زهرایه اوغولدور بیری ایستکلی نوه
بیریسی ختم امامتدی عدالت کانی
.
بیرینون آدی حسیندور شرف کون ومکان
فخریدور هردو جهانه یوخ اونون نقصانی
.
ویردی طاهایه خبر بوسوزی جبریل امین
لطف ایدوب حق سنه بیر طفل ملک سیمانی
.
شادمان اولدی او اثناده رسول مدنی
شکر اوزیله او زمان یاد ایلیوب منّانی
.
ثبت اولوبدور بوآیون سومی زیبا آدینا
نقدر وصف ایلسم اولماز اونون پایانی
.
گوهرکنز امامتدی ئوزی سبط رسول
سومین کوکب رخشاندی حقین برهانی
.
ایله شانینده کفایتدی بو بیر سوز بویوروب
جدی پیغمبر رحمت یر وگوی سلطانی
.
بوحسینون هامی اعضا قانی مندندی بیلون
حشره جک زینت عا لمدی گوزل عنوانی
.
سس سسه ویردی ملکلر دیل آچوب تهنیته
یرئوزونده گوره لر نور حق یکتانی
.
امراولوب رتبه سی والاده اولان حورایه
عرشیمه حمل ایلیون سیز بوگوزل مهمانی
.
ال به ال گیتدی قماطی یته حق محضرینه
تا چاتا مقصده رویت ایلیه جانانی
.
قالدی قنداق آرادا نقطه پرگار کیمین
گول ئوزی حیرته سالدی اوزمان حورانی
.
قلم عاجزدی حسین شانینه ارقام یازا
نوک کلکیم نجه وصف ایلیجک دریانی
.
گون دولاندی یتشوب پنجم شعبان دگر
حجّت چارمیلن عا لم اولوب نورانی
.
عندلیب ایتدی ترنم یتیشوب فصل بهار
آچیلان گول ایلیوب عالمی عطر افشانی
.
آلوب آغوشه گوزل غنچه سینی میرهدا
شرحین ایتسم بیلورم مطلب اولارطولانی
.
گون گچوب نیمه شعبان یتیشوب ماحصلی
نعمتین عا لمه ایلوبدی خدا ارزانی
.
گون کیمین عالم تاریکی ایشیقلاندیردی
ویردی اون بیر آیا جلوه رخ چون رخشانی
.
منجی دین خدا دور شرف کون و مکان
قان آلان مصلح دین شاد ایدجک انسانی
.
گرمرکب اولا دریالر آغاج لاردا قلم
یازا شانینده ملکلر بونا یوخ امکانی
.
آدی مهدی دور هدایت گرعدا لت پیشه
گلدی تا قالمیا یرده شهدانون قانی
.
بئله فکر ایتمیسوز نظمیده کچدیم ادبی
یازارام دفتریمه شیر خدای ثانی
.
کیم فراموش ائده جک افسر والا گهری
حاش لله که قلم یازمیا اُول سّقانی
.
ایله قلبیمده ارادت وار او فرزا نه فره
آدینی دوتسا دیلیم قلبون اولار طوفانی
.
آدی عّباسیدی سردار وعلمدارحسین
دامن فیضینی دوت دردوه آل درمانی
.
منبع جود و سخا بحر کرم کان وفا
صا حب مشک و لوا باب الحوائج شانی
.
اوچ گئجه گچمیشیدی دورده یوخونلاشمیشدی
چون سحراولدی گلوب عالمه غیرت کانی
.
عالم ایچره آچیلوب غنچه گلزار علی
نوبهار اولدی عیان یتدی خزان پایانی
.
ایله نورانی ائدوب بیت علینی بوبالا
باخدوقیجا ئوزونه بهت آپارور انسانی
.
وارکمانی قاشی شهلا گوزی صورت چوقمر
کیم باخورگل ئوزونه حمد ایلیورسبحانی
.
گلدی عبا سه طرف عشقیله زهرامارالی
گوردی بیرایش اوزمان مجلس اولوب عرفانی
.
عا شقانه باخوب عباسینه شاه شهدا
قلبیده نقش ایلیوبدور او ملک سیمانی
.
آلوب آغوشه گوزل قارداشینی میرهدا
جان کیمین سینیه باسدی اوگوزل جانانی
.
دئدی واردورنه غمی سنکیمی قارداشی اولان
قارداش عشقیله اولوب قلبی اودم نورانی
.
آچدی شهلا گوزون عبّاس باخوب قارداشینا
گوزباخوبدورگوزه حیرتده قویوب دنیانی
.
عاشقا نه باخوب عبّاس حسینون گوزینه
آلدی جان نقدینه دلبند دل طاهانی
.
دیلی اولسیدی دئیردی ندی قربان جا نیم
سنه مین دفعه بوجا نی ائدرم قربانی
.
قویدی عباسینی گهواریه میر دو سرا
ترپدور هی بشیگین دیلدن اوخور لالانی
.
سویلیوریات گوزلیم تکیه گهیم بال وپریم
خواب راحتلن اخا طی ایله بو دورانی

لطفاً نظر خود را بنویسید

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *