ای شاهکار لم یزل یاحجه ابن العسکری

میلاد حضرت مهدی(عج)

ای شاهکار لم یزل یاحجه ابن العسکری
ای جلوه ی شعر وغزل یاحجه ابن العسکری
ای مطلع صبح ازل یاحجه ابن العسکری
ای هرگوزللردن گوزل یاحجه ابن العسکری
گل گل گوزون قربانی گل یاحجه ابن العسکری
یاحجه ابن العسکری یاحجه ابن العسکری

 

دنیا اولوب مؤمنلره بیت الحزن یابن الحسن
اولموش خواصّه زندگی محکم رسن یابن الحسن
گل دادگاه کیفره قور انجمن یابن الحسن
دوتمیش جهانی شور و شر ظلم و فتن یابن الحسن
الغوث عجّل العجل یاحجه ابن العسکری

 

هجرونده یابن فاطمه گوزلر دولوب غمدن داشا
دنیا دولوبدی جنگله نیرنگله باشدان باشا
نه باجیا قارداش یانور نه باجی آغلور قارداشا
مهر و محبت جامینی مادّی گری چالمیش داشا
ایشلر بوتون مکر و حیل یاحجه ابن العسکری

 

سنگ دیانت سینیه چوخلار وورور تزویریله
انسان سئچنمیر کفردن ایمانی هئچ تدبیریله
تشخیص یوخدی خلقده شیری آیرسون شیریله
گل یاخشینی پیسدن آیور جدّون وئرن شمشیریله
آرام اولا جنگ و جدل یاحجه ابن العسکری

 

بیر عده ایلور برزخی یوم حسابی مسخره
بیر عده ایلور محشری نشر کتابی مسخره
بعضی خانملار غفلتاً ایلور حجابی مسخره
بعضی صراطی جنتی اجر ثوابی مسخره
نقدی دوتورلار فی المثل یاحجه ابن العسکری

 

ای شیر یزدان اوغلی گل چک ذوالفقار حیدری
توک پشت بام کعبه ی حقدن ترابه بُتلری
آچ عدل و داد و کیفره بیر پرچم سرتاسری
سفیانیان مروانیان اهل حقه اولمیش جری
جرأت تاپوب قوم دغل یاحجه ابن العسکری

 

دنیا دولوب تزویریله احکام قرآن یرده دی
یاسدان آنالار چیخمیوب خون شهیدان یرده دی
دشت بلاده حرمله ناحق توکن قان یرده دی
ششماهه خنجردن دگن اوچ پرلی پیکان یرده دی
گل آل قصاصین ال به ال یاحجه ابن العسکری

 

جانها فدای مقدمت ای یوسف زهرا بیا
ما سینه سوزان در غمت ای نوگل طاها بیا
ای بحر جود و مکرمت ای شافع عقبا بیا
از بهر ما کن مرحمت ای مصلح دنیا بیا
حیّ علیٰ خیرالعمل یاحجه ابن العسکری

 

مژده رسول اکرمه مژده باباسی حیدره
مژده آناسی فاطمه ریحانه ی پیغمبره
مژده حسن تک سروره مژده حسین بی یاوره
مژده قوجاقینده یاتان ششماهه عطشان اصغره
مشعل تک اولدون مشتعل یاحجه ابن العسکری

 

مژده علی بن الحسین مغلول قوم کافره
مژده امام باقره مژده امام جعفره
مژده اسیر محبسه موسی بن جعفر مضطره
مژده قتیل زهر کین یعنی رضای سروره
سنسن بدیل بی بدل یاحجه ابن العسکری

 

مژده جوادالاولیا یعنی تقی الاتقیا
مولا نقی ابن تقی نور خدا شمس الهدا
مژده امام عسکری اولسون گوزون آیدین آقا
مژده سنه خوش گلمیسن چوخ خوش گلوب گتدون صفا
یاسادتی مول الاجل یاحجه ابن العسکری

 

شعبان آییندا لطف ائدوب ربّ جلالت عالمه
یاغدی دمادم بارش باران رحمت عالمه
طالع اولوب دورد برجیدن شمس ولادت عالمه
وئردی ورودون مقدمون معناده زینت عالمه
لعل لبون شیرین عسل یاحجه ابن العسکری

 

سنده تجلّا ایلیوب نور رخ ربّ الفلق
نوروندن اولمیش منجلی بو شش جهات و نه طبق
گل صورتون مه طلعتون گویا شفق اندر شفق
غیبی حضورون حق به حق محتاج فیضون ماخلق
ای علت کلّ علل یاحجه ابن العسکری

 

مژده جهانه سربه سر گلدی جهانین صاحبی
باشلا دعای ندبه نی گلدی دعانین صاحبی
این المعزّ الاولیا اهل ولانین صاحبی
گوستر جمالون کعبه دن ای کربلانین صاحبی
یوخ شیعه ده صبره محل یاحجه ابن العسکری

 

عالم دولوب غوغائیله یاصاحب عصر و زمان
دوتمیش جهانی غائله الغوث الغوث الامان
یمن وجودوندن سنون ساکن زمین و آسمان
گل ای امام منتقم گل شیعه نی ائت شادمان
ای نور مشکاته مثل یاحجه ابن العسکری

 

پانِزده شعبانیده نوریله دولدی سامرا
بیت امامه واقعاً غبطه ائدوب غار حرا
نور جمالوندن سنون مملوّ اولوب دولتسرا
کُن بالوَلِیّک رَبَّنا عَیناً دلیلاً ناصرا
ای ناجی کُلّ ملل یاحجه ابن العسکری

 

یوز یرمی دورد مین انبیانین معجزاتی سنده دی
انسانلارین سرلوحه ی محو ثباتی سنده دی
ما لا یکونین کُن فکانین ممکناتی سنده دی
ما لا یُرانین مدرک اثبات ذاتی سنده دی
ای ما رئادن ماحصل یاحجه ابن العسکری

 

گل قالب بی روحه ای عیسی بن مریم دم گتور
مسماریله مجروح اولان بیر سینیه مرهم گتور
آغلا سینان پهلولره گوزکاسه سینده نم گتور
الآندا عمّه ن یاسلیدی سُرمه حنا باهم گتور
الغوث یا مولی الاجل یاحجه ابن العسکری

 

ذکرون«کریمی»روز و شب عمرونده اولدی العجل
مولا یوباندی گلمدی سسلور سنی پیک اجل
غفلتده سُؤدون عمریوی یامن بدنیاه اشتغل
الموت یاتی بغتتاً والقبر صندوق العمل
قَد غَرَّنی طول الاَمل یاحجه ابن العسکری

لطفاً نظر خود را بنویسید

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *